Furiegi tuagu lasayagüle garifuna (Oración por la Pastoral Garífuna)
Lúguchi sun ubóu, rutiwa seremein Bun Baba luagu wawáserun lidán weibugun tidan wasayagüle keisi Garinagu. Rutiwa sereméin Bun Baba luagu tídeha lígilisin hama gürigia ha buridubei hayúmaha lun hagáira Garinagu.
Áluga wamuti Buma Baba; hágabu Bichigei Bufulesiháni le woún; le tíma lánina durunguwoü. Héregili lubafu lubúriga oúweni, muwaradáguni, gudémei, mousáni Túguabei umábeini le wawagubei, bimegüdabei tídere wánigi, háragüdabei wádili. Adügabáwa ligárawounme , ”Au buni;Amürü Nuni” lidán sun katei le lawiwädubei, wagáira keisi Gárinagu. Madóura wámei wágu luwei; bérece laa woún.
Dárabei wágu, wárigeigu, tubu wánigi, lun waweneháni, le Babuserunbei tidán wasayagüle Garífuna uguñe weyu; ani bunágua wagíame lidán sun wagaira; ibágari mabáhiëguti.
Búngiu Baba, wabadíwa lun bánigume disípulu, liyunsúna Biraü, Ideraguabáwa lun wichigagüdun fe luagu lebégihabu apurichaháni suwädäati, lidán wabágari, labu lidán sun tidasin walígilisin. Álugatiwa; súbudini, labu lére Báfurugu; lun sun oüdü; furangugüda laamúgei lémeri saránsi uniwaguwoú labu lidán Iséri lapulikarúniwa Bererun.
Yudeigúagüda wamá woungua tun Báfurugu; daráwamein wabágari lun iséri bigárabalin tidán Biligilisin. Baba; agüdahóuwalu lau afiñeni, ariha wámuti wadasin tidán ligilisi labu lidán ubou lau eménigini; agobahálu Iseri Seiri, labu Iseri múa lidán uwaradáguni.
luagu Küristu Biraü wabúreme. Itárala.
Túyanute tasayagüle garífuna (Himno de pastoral garifuna)
Garawoún tuma máraga; hoürügüdüña , Loúnaba wadabagei dísegiñe
Lasáyagüle Garífuna; babínaha berémuha, Gundaba; áhari chülüha bun.
(El tambor y la maraca sonando están, el caracol contesta de lejos Pastoral
Garífuna dance y cante, Alégrate; ha llegado tu pentecostés).
Láguyuha (coro)
Tagunbia hañádibu tasayagüle Garífuna, Lun beremuhä, babínahä lau igúndani,
Nibirigídibu, mamaluagu Garífuna bä, Ában Búngiu hadán ürüwa; lerémuhaña, lefeduháña
Baba, Irahü, Áfurugu Gúnfulitu, (Pastoral Garífuna te invita, A cantar y danzar con alegría
Seas o no Garífuna; eres mi hermano, la Santa Trinidad, Canta y danza, Padre, hijo, Espíritu Santo).
Wariti ladünama wadasin le. Ani wouyéri le kei Gárinagu, lábürühaña Iseri úganu le houn súngubei. Lidáraduna umadáguwoü labu ínsiñeni, Lapurichihouña houn Gárinagu
ladüga halágäte lúmagiñe Baba.
Garawoún tuma máraga; hoürügüdüña , Loúnaba wadabagei dísegiñe
Lasáyagüle Garífuna; babínaha berémuha, Gundaba; áhari chülüha bun.
(El tambor y la maraca sonando están, el caracol contesta de lejos Pastoral
Garífuna dance y cante, Alégrate; ha llegado tu pentecostés).
Láguyuha (coro)
Tagunbia hañádibu tasayagüle Garífuna, Lun beremuhä, babínahä lau igúndani,
Nibirigídibu, mamaluagu Garífuna bä, Ában Búngiu hadán ürüwa; lerémuhaña, lefeduháña
Baba, Irahü, Áfurugu Gúnfulitu, (Pastoral Garífuna te invita, A cantar y danzar con alegría.
Seas o no Garífuna; eres mi hermano, la Santa Trinidad, Canta y danza, Padre, hijo, Espíritu Santo).
Wariti ladünama wadasin le. Ani wouyéri le kei Gárinagu, lábürühaña Iseri úganu le houn súngubei. Lidáraduna umadáguwoü labu ínsiñeni, Lapurichihouña houn Gárinagu
ladüga halágäte lúmagiñe Baba.
(Nuestra misión, tiene gran sentido, de identidad Garífuna lo es;Evangelio de la diversidad la meta es,
Con amor y hermandad transmitir a los Garífunas porque es su herencia de parte del Padre).
Hasayagüle Gárinagu tedewerehañein láfurugu tirisin, tun ligilisi; buin lau túyeri, téchun, tigáburi, tílagule, tau sun, tígafun tisúbudi wálagäte, Keisi afrikana, indígena aban dímurei; GARIFUNA.
(La pastoral Garífuna a la iglesia universal, su tinaja tan espiritual, aportando está, lleno de dones; cultura y sabiduría
Su herencia africana e indígena en una palabra el ser: GARIFUNA).
